Sa I gjatë mund të jetë një plazh sipas jush? 10 km? 25 km? Apo 50..? Nuk e dimë gjatësinë që kishit në mendje, por mund të jeni të sigurt se ishte më shumë nga sa e kishit menduar. Atëherë është koha të mësoni për plazhet më të gjata në botë.
Praia do Cassino, Brazil
Klima tropikale, karnavalet e Rios dhe futbolli në plazh… Po, plazhi më i gjatë në botë është në Brazil. Praia do Cassino në Brazil, e cila mbahet mend për plazhet e saj, është në krye të listës me gjatësinë prej 254 kilometrash. Plazhi njihet edhe si plazhi publik më i vjetër dhe më popullor në vend dhe mirëpret dhjetëra mijëra turistë çdo vit.
Eighty Mile Beach, Australi
Ndalesa jonë aktuale është Australia… E vendosur në bregun veriperëndimor të vendit, Eighty Mile Beach spikat me gjatësinë e tij prej 220 kilometrash. Bregdeti, i cili është shumë i pasur për nga shumëllojshmëria bimore dhe shtazore, njihet edhe si plazhi më i gjatë dhe i pandërprerë në vend.
Mund të ju pëlqej dhe ky artikull: Detet më të mëdhenj në botë dhe tiparet e tyre
Ninety Mile Beach, Australi
Jemi edhe një herë në Australi… Ninety Mile, i cili është 151 kilometra (94 milje) i gjatë, bën përshtypje me kilometrat e plazhit të gjatë me rërë dhe natyrën. Në rajon diversiteti i kafshëve është gjithashtu mjaft i lartë.
Padre Island, Teksas/SHBA
Ishulli Padre, i famshëm për plazhin e tij me rërë të bardhë në Teksas, njihet edhe si ishulli më i gjatë pengues në botë, por ajo që është e rëndësishme për ne është plazhi i tij i gjatë. I vendosur në bregun e Gjirit të Meksikës, plazhi është afërsisht 130 kilometra i gjatë dhe është ideal për sërf. Falë kësaj veçorie tërheq vëmendjen si një nga vendet e frekuentuara nga të apasionuarit pas sërfit.
Plazhi Cox’s Bazar, Bangladesh
Një tjetër plazh me kilometra të gjatë është në Bangladesh. Plazhi Cox’s Bazar njihet si plazhi më i madh në kontinent me një gjatësi prej 120 kilometrash. Plazhi gjithashtu tërheq vëmendjen si atraksioni më i njohur turistik i vendit.
Ninety Mile Beach, Zelanda e Re
Edhe pse ka të njëjtin emër si plazhi në Australi, ai ndodhet në Zelandën e Re. Për më tepër, gjatësia e plazhit nëntëdhjetë milje (90 milje) nuk është 90 milje, por afërsisht 55 milje, domethënë 88 kilometra. Plazhi preferohet shpesh nga të apasionuarit e sërfit dhe pamjet e perëndimit të diellit janë gjithashtu jashtëzakonisht të bukura.
Burimi: Worldatlas.com
