Tërmetet, një nga fatkeqësitë natyrore më tronditëse, ndodhin shpesh në mbarë botën. Njerëzit që bëjnë kërkime janë kuriozë për tërmetet më të mëdhenj në historinë botërore dhe informacionin rreth atyre tërmeteve. Këtu janë 10 tërmetet më shkatërrues dhe më të mëdhenj në histori…
10. Indonezi 8.6 – 2005
Pas tërmetit të madh të vitit 2004, një tërmet tjetër me magnitudë 8.6 ballë ka ndodhur në vitin 2005 në ishullin Sumatra në veri të Indonezisë. Valët e mëdha të krijuara nga tërmeti arritën në Sri Lanka dhe plagosën më shumë se 400 njerëz.
9. Tibet 8.6 – 1950
Ky tërmet i njohur si Tërmeti i Asamit, ka ndodhur në vitin 1950 me magnitudë 8.6 ballë. Shumë qytete në Kinë, Tibet dhe Indi u prekën nga kjo fatkeqësi natyrore, e cila ndodhi në tokë dhe vrau 780 njerëz.
8. Alaska 8.7 – 1965
Tërmeti që ndodhi në ishujt Rat të Alaskës në vitin 1965 u regjistrua me magnitudë 8.7 ballë. Pjesa më e madhe e dëmeve që ndodhën pas tërmetit janë shkaktuar nga cunami.
7. Ekuador 8.8 – 1906
Tërmeti me magnitudë 8.8 ballë në vitin 1906, i cili preku Ekuadorin dhe Kolumbinë, shkaktoi humbjen e më shumë se një mijë njerëzve në të dy vendet. Cunami që ndodhi pas tërmetit përshkoi oqeanin dhe arriti në Japoni.
6. Kili 8.8 – 2010
Më 27 shkurt 2010, një tërmet shumë i fortë ndodhi pranë qytetit të Concepcion në Kili në orën 03:34 me kohën lokale (06:34 UTC). Shërbimi Gjeologjik Amerikan fillimisht e rriti magnitudën e tërmetit, i cili u njoftua si 8.3 ballë, në 8.5 dhe më pas në 8.8.
Epiqendra e tërmetit ishte 325 kilometra në jugperëndim të kryeqytetit Santiago dhe 115 kilometra nga qyteti i Concepcion. Tërmeti, i cili ndodhi 35 kilometra nën tokë, zgjati afërsisht 1.5 minuta. Në tërmetin që preku 2 milionë njerëz, 500 mijë shtëpi u shkatërruan ose u dëmtuan rëndë.
Mund të ju pëlqej dhe ky artikull: Malet më të vështira në botë për t’u ngjitur!
5. Rusi 9.0 – 1952
Magnituda e tërmetit që ndodhi më 4 nëntor 1952 në Rusinë lindore ishte 9.0. Rajoni i Kamçatkës, ku ndodhi tërmeti, ndodhet në skajin verior të rajonit të “Unazës së Zjarrit të Paqësorit”, ku ndodhen pllakat e tërmeteve midis kontinenteve Australiane, Aziatike dhe Amerikane dhe ku aktivitetet sizmike ndodhin shpesh.
Nga tërmeti, i cili shkaktoi dëme materiale mbi 1 milion dollarë, nuk pati humbje jetësh. Tërmeti me magnitudë 9 që ndodhi në Kamçatka më 4 nëntor 1952 është ndër tërmetet më të mëdhenj të regjistruar që nga viti 1900.
4. Japoni 9.1 – 2011
Tërmeti ka ndodhur më 11 mars 2011, në brigjet e Honshu në verilindje të Japonisë, në një thellësi prej 24 km, me magnitudë 9 ballë. Ky tërmet, përveçse është tërmeti më i madh i regjistruar instrumentalisht i Japonisë, është ndër pesë tërmetet më të mëdhenj të regjistruar në botë që nga vitet 1900.
Qeveria japoneze e quajti zyrtarisht fatkeqësinë “Tërmeti i Madh i Japonisë Lindore”. Pas tërmetit, në rajon u shfaqën valë cunami me lartësi deri në 37.9 metra. Cunami shkaktoi dëme të mëdha në vend. 15.900 persona humbën jetën nga tërmeti dhe 2.531 persona ende raportohen të zhdukur.
3. Indonezi 9.1 – 2004
Ky tërmet, i cili ndodhi në brigjet e ishullit Sumatra në Oqeanin Indian më 26 dhjetor 2004, la gjurmë në shekullin e 21-të duke shkaktuar vdekjen e rreth 230 mijë njerëzve në 40 vende.
Me një magnitudë nga 9.1 deri në 9.3, ishte tërmeti i tretë më i madh i regjistruar ndonjëherë nga një sizmograf. Tërmeti, i cili zgjati midis 8.3 dhe 10 minuta, pati kohëzgjatjen më të gjatë të parë ndonjëherë dhe lëvizi të gjithë planetin me 1 cm. Ai shkaktoi tërmete deri në Alaskë. Epiqendra e tij ishte midis Simeulue dhe Sumatra.
2. Alaska 9.2 – 1964
Tërmeti me magnitudë 9.2 që ndodhi në Alaskë më 28 mars 1964 u regjistrua si tërmeti i dytë më i fortë. Tërmeti, i cili zgjati 3 minuta, shkaktoi cunamin. Tërmeti dhe dallgët gjigante që pasuan shkaktuan vdekjen e 128 personave dhe shkaktuan dëme rreth 310 milionë dollarë.
1. Kili 9.4 – 1960
Tërmeti që ndodhi në Kili, me 22 maj 1960, është tërmeti më i madh i matur ndonjëherë. Cunami që ndodhi pas tërmetit në Kili u zhvendos me shpejtësi në të gjithë Oqeanin Paqësor, duke shkaktuar humbje serioze në jetë dhe prona.
Burimi: Sciencefocus
