Albert Ajnshtajn është një nga figurat më ikonike dhe më të admiruara të kohëve moderne. Megjithatë, jeta e Albert Ajnshtajnit është plot me detaje të rëndësishme që pak njerëz i dinë. Këtu janë 8 fakte interesante që mund të mos i keni dëgjuar më parë për Albert Einstein.
1. Esenë e parë e shkroi kur ishte 16 vjeç
Në vitet e para të arsimimit të tij, Ajnshtajni ishte jashtëzakonisht i suksesshëm, veçanërisht në latinisht, gjeometri dhe matematikë. Megjithatë, është e vërtetë se ai ka dështuar në disa provime. Por Ajnshtajni ishte një gjeni madhështor edhe në rininë e tij! Aq sa ai shkroi esenë e tij të parë shkencor kur ishte vetëm 16 vjeç.
2. Ai ishte shok me Oppenheimer
Këta dy emra të rëndësishëm në botën e fizikës ishin dy miq të mirë. Për më tepër, Oppenheimer bëri deklarata të jashtëzakonshme në vitin 1966 për miqësinë e tij me Ajnshtajnin.
Në vitin 1939, Ajnshtajni i dërgoi një letër presidentit amerikan Franklin Roosevelt, ku thuhej se nazistët mund të zhvillonin një bombë atomike. Për këtë arsye, prej vitesh pretendohet se Ajnshtajni ishte forca lëvizëse pas bombës atomike. Megjithatë, Oppenheimer, kreu i Projektit Manhattan, deklaroi se letra kishte pak ndikim në zhvillimin të bombës atomike.
3. Ka thashëtheme se ai kishte një lidhje me Marilyn Monroe
Megjithatë, nuk ka asnjë provë përfundimtare se ata të dy kishin një lidhje. Por disa njerëz në rrethin e ngushtë të Monroe pohuan se të dy ishin bashkë për një kohë.
4. Ai protestoi kundër vendit të tij, Gjermanisë, gjatë Luftës së Parë Botërore
Fizika nuk ishte fusha e vetme e interesit të Ajnshtajnit. Gjeniu më i rëndësishëm i kohëve moderne ishte gjithashtu thellësisht i interesuar për politikën. Aq sa gjatë Luftës së Parë Botërore, ai nuk ngurroi të kritikonte hapur vendin e tij, Gjermaninë, dhe ftoi qytetarët e tij të refuzonin shërbimin e detyrueshëm ushtarak.
5. Ai refuzoi një ofertë për t’u bërë president i Izraelit
Presidenti i parë i Izraelit, Chaim Weizmann, vdiq në fillim të viteve 1950. Pas këtij zhvillimi, Ajnshtajnit, iu ofrua të bëhej presidenti i ri i Izraelit. Megjithatë, Albert Einstein e refuzoi ofertën, duke thënë se i mungonte “përvoja dhe aftësia e nevojshme natyrore”.
Mund të ju pëlqej dhe ky artikull: Kush është Isak Njutoni? Jeta dhe shpikjet e tij
6. Teoritë e tij novator nuk u pranuan në fillim
Në fakt, 100 fizikanë që kundërshtuan teoritë e Ajnshtajnit u mblodhën dhe shkruan një libër të quajtur “100 shkrimtarë kundër Ajnshtajnit”. Pas kësaj Ajnshtajni tha për librin, “Po të isha gabim, një shkrimtar do të mjaftonte”.
7. Lundrimi ishte një nga hobet që i pëlqente më shumë
Atij i pëlqente të hipte në varkën e tij me vela dhe të lundronte gjatë pushimeve nga studimet e tij shkencore.
8. Ai kishte vështirësi të kujtonte emrat, datat dhe numrat e telefonit
Ai ishte një ndër shkenctarët më të mëdhenj në botë por nuk arrinte të mësonte përmendësh emrat, datat dhe numrat e telefonave.
Burimi: history.co.uk
