Ne e dimë se pirja e ujit të detit është e dëmshme, por a keni menduar ndonjëherë pse? Le të shohim detajet dhe të shqyrtojmë hap pas hapi se çfarë ndodh në trupin tonë kur pimë ujin e detit.
Arsyeja pse është i dëmshëm pirja e ujit të detit?
Sipas Manish Kumar, pirja e ujit të detit do të ishte një “krim” i kryer kundër trupit tuaj. Sepse uji i detit është katër herë më i kripur se gjaku! Trupi juaj punon duke ruajtur ekuilibrin e lëngjeve brenda. Nëse papritmas merrni shumë kripë, lëngu jashtë qelizave tuaja bëhet shumë më i dendur dhe trupi juaj fillon të tërheqë ujë për të ruajtur këtë ekuilibër. Por këtu ka një problem të madh: uji që ai nxjerr vjen nga qelizat tuaja!
Rezultati?
Qelizat fillojnë të thahen dhe tkurren. Veshkat punojnë jashtë orarit për të nxjerrë kripën e tepërt. Megjithatë, nuk ka ujë të freskët të mjaftueshëm për të balancuar kripën e ujit të detit. Kjo shkakton helmim me kripë dhe organet vitale fillojnë të dëmtohen.
Dhe nuk mbaron as me kaq…
Si e dëmton organizmin pirja e ujit të kripur?
Ndërsa uji zhduket nga qelizat e trupit, organet e brendshme – veçanërisht stomaku, truri dhe mëlçia – fillojnë të grumbullojnë lëngje. Kjo mund të çojë në probleme serioze shëndetësore. Trupi gjithashtu ka nevojë për ujë për të tretur ushqimin që hani. Megjithatë, nëse jeni të dehidratuar, sistemi tretës ngadalësohet dhe madje edhe ngrënia bëhet e rrezikshme për ju.
Ndërsa veshkat punojnë për të filtruar kripën e tepërt, ato shpenzojnë gjithashtu sasinë e vogël të ujit të freskët në to. Nëse vazhdoni të pini ujë të detit, rrezikoni të keni dështim të veshkave. Si rezultat i gjithë kësaj, pirja e ujit të detit ju lë edhe më shumë të dehidratuar dhe ju fut në një cikël vdekjeprurës.
Mund të ju pëlqej dhe ky artikull: Pse gjethet ndryshojnë ngjyrën në vjeshtë?
A është e mundur që uji i detit të kthehet në ujë të freskët?
Edhe Aristoteli u përpoq të zhvillonte metoda për ta bërë ujin e detit të pijshëm. Sot përdoren dy metoda kryesore në këtë drejtim:
Ngrohja (distilimi): Ju mund të zieni ujin e detit dhe duke ftohur avujt e tij merrni ujë të pishëm. Por ka një problem të madh: Kjo metodë harxhon shumë energji!
Ozmoza e kundërt: Është e mundur shkripëzimi i ujit të detit duke e kaluar përmes një filtri të veçantë. Edhe pse kjo metodë është më efikase, ajo ende nuk është mjaft e lirë dhe e shkallëzueshme.
Nëse një ditë zhvillohet një teknologji e lirë dhe e përdorshme e osmozës së kundërt, ne mund ta kthejmë jo vetëm ujin e detit, por edhe ujërat e zeza të ndotura në ujë të pijshëm!
Burimi: mymodernmet.com
